Javier Mascherano fyrrum miðjumaður Liverpool og Barcelona er hættur í fótbolta, frá þessu greindi hann í dag en Mascherano er 36 ára gamall.
Mascherano er leikjahæsti leikmaður í sögu landsliðsins hjá Argentínu en hann hefur undanfarið spilað með Estudiantes í heimalandinu.
„Ég vil greina frá því í dag að ég er hættur í fótbolta. Ég vil þakka Estudiantes fyrir að gefa mér tækifæri að ljúka ferlinum í Argentínu,“ sagði Mascherano.
Mascherano gekk í raðir West Ham árið 2006 og fór þaðan til Liverpool þar sem hann átti góða tíma. Hann gekk svo í raðir Barcelona og vann Meistaradeildina í tvígang þar. Hann vann í heildina 19 titla með Börsungum.
Mascherano var oftar en ekki sem varnarsinnaður miðjumaður en gat einnig spilað sem miðvörður.
