fbpx
Sunnudagur 30.nóvember 2025
433Sport

Hataði Benitez fyrir að hafa látið sig yfirgefa Liverpool

Aron Guðmundsson
Föstudaginn 13. nóvember 2020 18:49

GettyImages

Ekki missa af Helstu tíðindum dagsins í pósthólfið þitt

Lesa nánar

Danny Murphy, fyrrverandi leikmaður Liverpool, segir að honum hafi liðið illa eftir að hafa verið látinn yfirgefa félagið og að hann hafi lengi verið reiður út í Rafael Benitez, þáverandi knattspyrnustjóra félagsins.

Benitez tók við Liverpool árið 2004 og fór fljótlega að láta til sín taka á leikmannamarkaðnum til að koma sínu handbragði á liðið. Hann seldi leikmenn á borð við Michael Owen, Markus Babbel og Danny Murphy til þess að fá inn pening fyrir nýjum leikmönnum.

„Að heyra Benitez segja að minna krafta væri ekki lengur óskað hjá félaginu, var erfitt,“ sagði Danny Murphy í viðtali við Drivetime.

Benitez var hreinskilinn við Murphy á þessum tíma og það hafði ekkert upp á sig fyrir leikmanninn að biðja stjórann um að endurhugsa þessa ákvörðun sína.

„Ég reyndi að fá hann til að skipta um skoðun en hann endurtók bara að minn tími hjá félaginu væri liðinn,“ sagði Murphy.

Murphy bar lengi kala í brjósti til Benitez. Hann sé þó búinn að takast á við reiðina núna.

„Þegar að ég lít til baka þá kann ég að meta hreinskilni knattspyrnustjórans. Ég hataði hann á þessum tíma en ekki lengur. Ég skil hvað lá að baki ákvörðuninni,“ sagði Murphy.

Danny Murphy gekk til liðs við Charlton Athletic og átti seinna eftir að spila fyrir Tottenham, Fulham og Blackburn Rovers.

Liverpool fór vel af stað undir stjórn Benitez, liðið vann Meistaradeildina á hans fyrsta tímabili.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Í gær

Annað stórlið horfir til Rashford ef Barcelona kaupir hann ekki af United

Annað stórlið horfir til Rashford ef Barcelona kaupir hann ekki af United
433Sport
Í gær

Segir farir sínar ekki sléttar eftir fund með yfirmanninum – Kona hans og börn grétu eftir tíðindin

Segir farir sínar ekki sléttar eftir fund með yfirmanninum – Kona hans og börn grétu eftir tíðindin
433Sport
Í gær

Fyrrum framherji United með ráð fyrir Amorim áður en janúarglugginn opnar

Fyrrum framherji United með ráð fyrir Amorim áður en janúarglugginn opnar
433Sport
Í gær

Vestri fær landsliðsmann frá Senegal – Skoraði gegn Arsenal fyrir nokkrum árum

Vestri fær landsliðsmann frá Senegal – Skoraði gegn Arsenal fyrir nokkrum árum