Það hafði áhrif á knattspyrnuleiki á Englandi þegar Nelson Mandela losnaði úr fangelsi árið 1990 í Suður-Afríku, Þorvaldur Örlygsson sem lék með Nottingham Forest á þessum tíma upplifði það á eigin skinni.

Þorvaldur var að undirbúa sig undir leik með Nottingham gegn Coventry í undanúrslitum bikarsins þegar sú staða kom upp að Mandela var að losna úr fangelsi.

„Það eru bara tveir varamenn leyfðir, þegar þú dettur út þá er erfitt að komast inn. Þá ferðast þú í marga leiki og ert upp í stúku, ég spilaði í undanúrslitum sama dag og Nelson Mandela var sleppt úr fangelsi,“ segir Þorvaldur um þennan eftirminnilega dag árið 1990 við Jóhann Skúla í Draumaliðinu.

Leiknum var frestað vegna þess að Mandela var að losna út og BBC vildi sýna það beint og fresta leiknum. „Leiknum okkar var frestað um þrjá eða fjóra klukkutíma vegna þess. Lögreglustjórinn kemur inn og Brian Clough situr á bekknum, hann segir að það sé bein útsending frá því þegar Mandela losnar úr fangelsi á BBC og að það þurfi að seinka leiknum“

Brian Clough er einn skemmtilegasti karakterinn í sögu enska boltann og hann sló á létta strengi.

„Clough segir „Hvaða vitleysa er þetta, skiptir einhverju máli hvort hann sé í þrjá eða fjóra tíma í viðbót inni. Hann er búinn að vera í fangesli 45 ár“. Þetta var ekta augnablik, við sátum inni í klefa á meðan Mandela losnaði úr fangelsi.“

Enski boltinn á 433 er í boði