Manchester United og Chelsea gerðu markalaust jafntefli í stórleik umferðarinnar í ensku úrvalsdeildinni í kvöld. Leikið var á Old Trafford í Manchester.
Fátt markvert gerðist í leiknum. Liðin voru svipað mikið með boltann en hvorugt liðið náði að finna sigurmarkið í leiknum.
Edinson Cavani spilaði sinn fyrsta leik í liði Manchester United. Hann kom inn á sem varamaður á 58. mínútu og var nálægt því að skora með sinni fyrstu snertingu í leiknum.
Chelsea er eftir leikinn í 6. sæti deildarinnar með 9 stig eftir 6 leiki. Manchester United er í 15. sæti með 7 stig eftir 5 leiki.
Manchester United 0 – 0 Chelsea
