Vincenzo Spadafora ráðherra á Ítalíu fullyrðir að Cristiano Ronaldo hafi brotið sóttvarnarreglur þegar hann ferðaðist frá Portúgal til Ítalíu smitaður af COVID-19 veirunni. Cristiano Ronaldo greindist með COVID-19 veiruna í upphafi vikunnar og átti að dvelja á hótelherbergi sínu í Portúgal í einangrun næstu daga. Hann tók það ekki í mál og leigði sér sjúkraflugvél til að komast heim til Ítalíu.
Ronaldo greindist með veiruna á mánudag og gat ekki tekið þátt í landsleik Portúgals og Svíþjóðar vegna þess. Ronaldo fékk leigða sjúkraflugvél og sjúkrabíl til að keyra sig af hótelinu og um borð í vélina sem er að fara með hann til Ítalíu.
Ronaldo er einkennalaus og hefur í raun efasemdir um að hann sé með veiruna. Á meðan hann bíður í einangrun virðist hann njóta lífsins.
Ronaldo birti mynd af sér á sundlaugabakkanum í dag þar sem hann nýtur sín vel þrátt fyrir að vera með veiruna.
