Erik Hamren landsliðsþjálfari Íslands hefur valið byrjunarlið sitt fyrir landsleikinn gegn Belgíu sem fram fer klukkan 18:45 í Laugardalnum.
Hamren situr í sóttkví eins og allt starfslið Íslands eftir að smit greindist í starfsliði landsliðsins í gær. Arnar Þór Viðarsson og Davíð Snorri Jónasson munu stýra liðinu í kvöld.
Belgar eru besta landsliðs í heimi samkvæmt lista FIFA en í hóp þeirra vantar Kevin de Bruyne, Eden Hazard og fleiri öfluga spilara. Hjá Íslandi vantar sex lykilmenn en Alfreð Finnbogason, Kári Árnason og Ragnar Sigurðsson eru meiddir. Þá eru Jóhann Berg Guðmundsson, Gylfi Þór Sigurðsson og Aron Einar Gunnarsson farnir til sinna félagsliða.
Guðlaugur Victor Pálsson, Hörður Björgvin Magnússon og Birkir Bjarnason eru að byrja þriðja leik sinn á sex dögum.
Birkir Már Sævarsson verður í bakverðinum og Rúnar Alex Rúnarsson stendur vaktina í markinu. Hamren velur að spila 3-5-2 kerfið gegn Belgum.
Byrjunarlið Íslands 3-5-2.
Rúnar Alex Rúnarsson
Birkir Már Sævarsson
Hólmar Örn Eyjólfsson
Sverrir Ingi Ingason
Hörður Björgvin Magnússon
Ari Freyr Skúlason
Birkir Bjarnason
Guðlaugur Victor Pálsson
Rúnar Már Sigurjónsson
Albert Guðmundsson
Jón Daði Böðvarsson