Leikmenn Manchester United eru verulega óhressir með þá meðferð sem markvörðurinn Sergio Romero hefur mátt þola hjá félaginu. ESPN segir frá þessu.
Romero hefði getað farið til Everton á lokadegi félagaskiptagluggans, félagið vildi fá Romero á láni. Everton ætlaði að borga öll hans laun og borga 2 milljónir punda til United.
United hafnaði þessu en Romero er þriðji kostur United í markið og hefur ekki þurft að mæta á æfingar síðustu vikur.
Romero er óhress og það eru liðsfélagar hans einnig samkvæmt frétt ESPN, þeir skilja ekki þá meðferð sem Romero hefur mátt þola.
Romero hefur staðið sig vel þegar hann hefur fengið tækifæri til hjá United og vildi fá að fara. Hann gæti nú endað í MLS deildinni.
