Hertha Berlin er að ganga frá kaupum á Krzysztof Piatek, frá AC Milan. Þetta segir Sky Sports.
Forráðamenn þýska félagsins eru í Milan til að kaupa pólska framherjann á 22,8 milljónir punda.
Tottenham hefur haft áhuga á Piatek nú í janúar en félagið vildi fyrst fá hann á láni.
Sky segir að líkur séu á að Olivier Giroud framherji Chelsea endi hjá Tottenham, hann vill vera áfram í London.
Giroud fór frá Arsenal til Chelsea en fær fá tækifæri undir stjórn Frank Lampard. Hann þarf að spila til að halda sæti sínu í franska landsliðinu.