Jordan Pickford, markvörður Englands og Everton ætlar að ganga í það heilaga á Maldíveyjum í sumar. Brúðkaupið fer fram skömmu eftir að enska úrvalsdeildin er á enda í maí.
Pickford og Megan Davison hafa verið saman frá því að þau voru 14 ára gömul en þau eru 25 ára í dag.
Saman eiga þau eitt barn en Pickford hefur fengið harkalega gagnrýni fyrir frammistöðu sína með Everton í vetur.
Ensk blöð segja að Megan fari í gæsunarferð til Dubai en Pickford vonast til að ná ferð til Las Vegas með vinum sínum.
Búist er við að knattspyrnumenn fjölmenni í brúðkaup Pickford en hann er góður vinur Kieran Trippier og Kyle Walker, þá er ekki ólíklegt að Gylfi Þór Sigurðsson verði á svæðinu.
