Það er ekki ógnvekjandi að spila á Old Trafford, heimavelli Manchester United, eins ogl það einu sinni var.
Það segir Chris Wood, framherji Burnley, sem skoraði í 2-0 sigri Burnley á United á útivelli í gær.
United hefur verið í töluverðri lægð síðustu ár og tapað leikjum sem hefðu unnist undir stjórn Sir Alex Ferguson.
,,Að mínu mati er Old Trafford ekki ógnvekjandi. Síðustu ár höfum við komist í 2-0 hérna en köstuðum því frá okkur,“ sagði Wood.
,,Í kvöld komum við hingað með sama hugarfar um að leggja hart að okkur, komast yfir og halda í það sem við vorum með. Það er það sem við gerðum.“
Enski boltinn á 433 er í boði 
