Miðjumaðurinn Bruno Fernandes mun ekki ganga í raðir Manchester United í janúar.
Frá þessu greina miðlar í kvöld en Fernandes hefur endalaust verið orðaður við félagið undanfarna daga.
Þessi 25 ára gamli leikmaður fer líklega ekki fyrr en í sumar en Sporting Lisbon og United náðu ekki að semja um kaupverð.
United var reiðubúið að borga 42,5 milljónir punda fyrir Fernandes og hefði sú upphæð getað hækkað um 8,5 milljónir.
Sporting vill hins vegar fá allt að 68 milljónir punda fyrir leikmanninn sem er fyrirliði liðsins.