Paulo Dybala, leikmaður Juventus, vill fá að spila með Paul Pogba á nýjan leik en þeir voru saman hjá Juve á sínum tíma.
Pogba er reglulega orðaður við brottför frá Manchester United og einnig við sitt fyrrum félag.
Dybala og Pogba eru góðir vinir en þeir voru frábær saman hjá ítalska liðinu áður en Frakkinn hélt til Englands.
,,Samband okkar Paul er mjög gott og þegar við spiluðum saman þá vorum við alltaf að reyna að finna ný fögn,“ sagði Dybala.
,,Við skoruðum mörg mörk svo fögnin breyttust. Ég vona að einn daginn þá getum við fagnað saman á ný.“
