Berta Gomez, mamma Edinson Cavani, er ekki ánægð með framkomu Paris Saint-Germain í garð sonar síns.
Cavani vill komast til Atletico Madrid í janúar en hann er markahæsti leikmaður í sögu franska félagsins.
PSG er þó að hika við að leyfa Cavani að fara þrátt fyrir fáar mínútur á vellinum.
,,Það eru viðræður í gangi. PSG hefur hafnað þremur tilboðum frá Atletico en sonur minn hefur beðið um sölu og við erum að bíða eftir samkomulagi,“ sagði Gomez.
,,Þetta er flókin staða en hann vill spila fyrir Atletico, ef ekki núna þá í sumar. Við höfum viljað þetta í mörg ár en nú er þetta ekki bara undir honum komið heldur félögunum.“
,,Þeir koma ekki vel fram við hann, sérstaklega eftir allt sem hann hefur gert fyrir PSG á sjö árum.“
Enski boltinn á 433 er í boði 
