Mohamed Salah, leikmaður Liverpool, hefur grínast með það að sigur liðsins í gær hafi verið honum að þakka.
Salah skoraði annað markið í 2-0 sigri á Manchester United en hann missti af fyrri leik liðanna vegna meiðsla sem lauk með 1-1 jafntefli.
,,Eins og þið sáuð þá var ég mættur aftur í dag eftir meiðsli svo við unnum leikinn, ég er mjög ánægður fyrir hönd liðsins,“ grínaðist Salah.
,,Við nutum stundarinnar og vonandi getum við endað hérna. Ég fékk sendingu frá Alisson og enginn annar komst í boltann.“
,,Ég er ánægðastur með úrslitin, þau skipta mestu máli.“