Alexandre Lacazette, framherji Arsenal hefur haldið framhjá kærustu sinni um langt skeið. Konan sem hann hefur verið að hitta segir sögu sína. Lacazette er heimsfrægur knattspyrnumaður frá Frakklandi.
Lacazette hefur í fimm ár átt i sambandi við Manon Mogavero, en á síðasta ári byrjaði hann að halda framhjá henni. Funda Gedik sem starfar á skemmtistað í London segir frá sambandi þeirra.
,,Alex sannfærði mig um að byrja að hitta sig, hann lofaði mér öllu fögru. Það er ekki skrýtið að ég hafi fallið fyrir honum, hann kom fram við mig eins og prinsessu,“ sagði Funda Gedik.
Hún segir að Lacazette hafi reglulega bókað hótel fyrir þau í London. ,,Við vorum reglulega á flottustu hótelunum i London, allt í einu sagði hann mér svo að hann ætti kærustu og þau ættu langa sögu.“
,,Ég var í áfalli, ég taldi hann vera einhleypan. Ég var brjáluð að heyra þetta, hún hafði flutt með honum til London. Honum tókst að tala mig til og sagði að við ættum framtíð saman, hann reyndi að hitta mig á hverjum degi.“
,,Hann var alltaf að senda mér skilaboð, meira að segja þegar hann var í fríi með henni á Ítalíu.“
Gedik segir að þau hafi alltaf verið saman og var hissa að ekki hafi sést til þeirra. ,,Við vorum alltaf úti saman, sérstaklega í Mayfair. Honum var alltaf sama, um hver væri að sjá okkur saman. Það er magnað að við höfum ekki endað fyrr í blöðunum, hann er stjarna í ensku úrvalsdeildinni. Hann var ekkert að reyna að yfirgefa kærustuna sína.“
,,Það komu allir fram við okkur eins og kærustupar, ég var kannski vitlaus en ég taldi okkur eiga framtíð saman.“