Það kom á óvart þegar Japhet Tanganga var í byrjunarliði Tottenham í gær í 1-0 tapi gegn Liverpool.
Tanganga var að spila sinn fyrsta deildarleik fyrir Tottenham en hann er 20 ára gamall varnarmaður.
Jose Mourinho kastaði leikmanninum beint í djúpu laugina en þeir ræddu áður saman í vikunni.
,,Stjórinn nefndi svolítið á þriðjudaginn. Hann spurði mig hvort ég vildi spila og ég svaraði já. Hann spurði mig svo hvort ég yrði hræddur, ég sagði nei,“ sagði Tanganga.
,,Svo æfðum við aðeins skipulagið tveimur eða þremur dögum fyrir leik og ég hugsaði með mér að ég myndi spila.“
,,Strákarnir hafa verið frábærir og hvetja mig áfram, þeir létu mig vita að þetta væri bara eins og hver annar leikur.“
