Real Madrid reynir allt til þess að losna við Gareth Bale í sumar, félagið á sér þann draum um að losna við Bale af launaskrá. Hann er launahæsti leikmaður félagsins en er ekki í plönum Zinedine Zidane.
Zidane hefur ekki neinn áhuga á að nota Bale og hefur það sést á undanförnum mánuðum. Bale er með 600 þúsund pund á viku.
Ólíklegt er að kantmaðurinn geti fengið slík laun á öðrum stað en Real Madrid setur 22 milljóna punda verðmiða á hann.
Slíkur verðmiði er útsöluverð fyrir leikmann í gæðaflokki Bale en óvíst er hvort hann sé til í að taka á sig launalækkun til að fara.
Tottenham er sagt skoða stöðu Bale en Mundo Deportivo segir að Real Madrid reyni allt til þess að selja hann.
Enski boltinn á 433 er í boði 
