Leikmenn liðsins eru komnir í sjálfskipaða sóttkví eftir að grunur kom upp um COVID-19 smit innan hópsins. Þorsteinn Haukur Harðarson, framkvæmdastjóri Víkings Ólafsvíkur, staðfesti þetta í samtali við mbl.is sem greindi frá málinu.
Einn leikmaður í liðinu fór í sýnatöku í gær og er nú beðið eftir niðurstöðu sýnatökunnar. Samkvæmt Þorsteini mun félagið gefa út tilkynningu þegar í stað ef niðurstaðan verður jákvæð.
Fram kom í gær að öllum knattspyrnuleikjum fullorðinna á Íslandi sé frestað til að minnsta kosti 5. ágúst en KSÍ mun endurmeta ástandið fyrir þann tíma. Þá hafa yfirvöld beðið íþróttahreyfingar landsins að fresta öllum leikjum og keppnum til 10. ágúst.