Óli Stefán Flóventsson er hættur með KA í úrvalsdeild karla en þetta var staðfest nú rétt í þessu.

Óli hefur undanfarin tvö tímabil stýrt KA en æiðið gerði síðast jafntefli við Fjölni í efstu deild.

KA hafnaði í fimmta sæti á síðustu leiktíð og var árangur liðsins undir hans stjórn alls ekki slæmur.

Tilkynning KA:

Knattspyrnudeild KA og Óli Stefán Flóventsson hafa komist að samkomulagi um starfslok Óla hjá félaginu.

Gengi KA það sem af er tímabili er ekki ásættanlegt og telja báðir aðilar nauðsynlegt að gera þessar breytingar til að liðið nái sér á strik og sýni sinn rétta styrk. Liðið náði fimmta sæti undir stjórn Óla Stefáns í fyrra sem er besti árangur félagsins síðan félagið kom aftur upp í deild hinna bestu á Íslandi.

Stjórn Knattspyrnudeildar KA þakkar Óla Stefáni fyrir framlag sitt til félagsins og óskar honum velfarnaðar í framtíðinni. Félagið mun nú þegar skoða sín mál varðandi þjálfun liðsins og mun ekki tjá sig nánar um málið að svo stöddu.