Manchester City er búið að samþykkja að selja vængmanninn Leroy Sane til Bayern Munchen.
Það er BBC sem fullyrðir þetta í kvöld en Sane var nálægt því að semja við Bayern í fyrra.
Sane bað City um að fá að fara eftir tímabilið og borgar Bayern allt að 54,8 milljónir punda fyrir leikmanninn.
Sane er 24 ára gamall landsliðsmaður Þýskalands en hann kom frá Schalke fyrir fjórum árum.
Sane vann deildina tvisvar með City en hefur verið mikið meiddur á þessari leiktíð.
