Þrjú staðfest smit eru í efstu deildum í knattspyrnu, tvö hjá liðum í efstu deild kvenna og eitt í efstu deild karla. Fjögur lið eru í sóttkví vegna þess.
Smitum er að fjölga en þau tilfelli sem eru staðfest á Íslandi síðustu daga eru flest tengd fótboltaheiminum. „Þetta er ekki bara að koma upp í knattspyrnunni, smitum í Evrópu er að fjölga aftur. Það var varað við því að við þessu mætti búast, þetta ætti ekki að koma neitt mikið á óvart,“ sagði Klara Bjartmarz framkvæmdarstjóri KSÍ á RÁS2 í morgun.
Ljóst er að mótin riðlast eftir þessi tíðindi um smitin. „Mótanefnd kemur saman á eftir, við förum yfir þetta núna og förum að endurraða á næstunni. Við höfum svigrúm í efstu deild kvenna.“
Í gær kom upp atvik þar sem Sigurður Marinó Kristjánsson og Jónas Björgvin Sigurbergsson leikmenn Þórs neituðu að spila með liðinu í Lengjudeildinni vegna ótta við smit. Ástæðan var sú að andstæðingar þeir Leikni F hafði mætt Stjörnunni í síðustu viku. Í Stjörnunni er staðfest smit en leikmaður Stjörnunnar var ekki með í leiknum gegn Leikni, hættan á smiti var því lítil.
„Við þvingum engan til að spila fótbolta, það eru margir í vinnu hjá sínu félagi. Mál sem þurfa að skoða innan félaganna. Við þvingum engan til að mæta til leiks,“ sagði Klara.
