Mesut Özil fær ekki nýjan samning við Adidas en hann hefur í sjö ár verið með samning við þennan þýska risa.

Özil fékk samninginn árið 2013 þegar hann var að ganga í raðir Arsenal og fékk hann 22 milljónir punda í vasann. 3,7 milljarðar íslenskra króna fyrir að spila í Adidas takkaskóm og koma fyrir í auglýsingum.

Ímynd Özil í Þýskalandi er ekki góð í dag, stuðningur hans við Erdogan forseta Tyrklands varð til þess að baulað var á hann í heimalandinu.

Özil hætti að spila með þýska landsliðinu eftir HM í Rússlandi árið 2018 og skömmu síðar ákvað Mercedes Benz að rifta samningi við hann.

Samningur Özil gildir út júní en Adidas mun ekki framlengja hann og þarf Özil því að leita að nýjum framleiðanda en áður lék hann í Nike skóm.