Botnlaus taprekstur Fjölnis í Grafarvogi heldur áfram en félagið í heild tapaði 22 milljónum á síðasta ári. Fréttablaðið fjallar um og vitnar í ársskýrslu félagsins.
Fjölnir hefur verið rekið með 53 milljóna króna tapi síðustu þrjú ár. „Rekstur knattspyrnudeildar var áfram þungur og hefur reynst erfitt að tryggja tekjur í rekstur deildarinnar,“ segir meðal annars.
Jón Karl Ólafsson, formaður Fjölnis, segir í ársskýrslu félagsins rekstur íþróttafélaga eins og hann er í dag gangi ekki upp. „Við Fjölnismenn höfum rætt opinskátt um það, að núverandi rekstrarform íþróttafélaga gengur ekki upp til lengdar,“ segir Jón Karl.
„Afkoma Fjölnis sýnir kannski stöðuna í hnotskurn og við vitum, að það eru mörg íþróttafélög komin í þrönga stöðu. Sem fyrr er það afreksstarf sem hefur hleypt kostnaði félaga upp. Staðan er einna verst í hópíþróttum, en þó má segja að afreksstarf almennt vegi þungt í rekstri íþróttafélaga,“ segir Jón Karl