Reykjavíkurborg sem er eigandi Laugardalsvallar hafnar því að styðja við KSÍ vegna landsleiks sem fram átti að fara í mars. Ísland átti að mæta Rúmeníu í umspili vegna Evrópumótsins í sumar.
Búið var að tjalda öllu til að gera Laugardalsvöll leikhæfan, KSÍ hafði keypt hitapulsu að utan og var kostnaður við að koma vellinum í gang rúmar 60 milljónir. KSÍ gat svo ekki haldið leikinn vegna kórónuveirunnar.
KSÍ leitaði til Reykjavíkurborgar sem er eigandi vallarins við fjárhagslegan stuðning, því hafnaði borgarstjórn Dags B Eggertssonar.
,,Guðni Bergsson formaður KSÍ greindi frá því að Reykjavíkurborg hafi hafnað ósk KSÍ um fjárhagslega þátttöku í kostnaði við fyrirhugaðan umspilsleik í mars 2020,“ segir í fundargerð KSÍ.
– Guðni Bergsson formaður KSÍ greindi frá því að Reykjavíkurborg hefur skipað starfshóp til að endurskoða samning um rekstur Laugardalsvallar.
– Guðni Bergsson formaður KSÍ fór yfir nýjustu fréttir af þjóðarleikvangi. Framundan er greiningarvinna á sviðsmyndum um nýjan þjóðarleikvang.