Harry Kane, stjarna Tottenham, verður tilbúinn að snúa aftur þegar eða ef enska deildin er aftur af stað á þessu ári.
Kane hefur lengi verið frá vegna meiðsla en hann spilaði síðast í desember í 1-0 tapi gegn Southampton.
Enska deildin er í pásu vegna kórónaveirunnar þessa stundina en Kane ætti að verða klár ef hún fær að hefjast aftur á næstu vikum.
,,Ég er alls ekki það langt frá endurkomu. Venjulega væri ég að vonast eftir því að byrja að æfa með liðinu eftir 2-3 vikur,“ sagði Kane.
,,Ég er á góðum stað og nú snýst þetta um að komast í rétt líkamlegt stand. Persónulega er ég á góðum stað.“
