Odion Ighalo, leikmaður Manchester United, vonast til að fá að vera enn lengur hjá félaginu.
Ighalo kom til United á láni í lok janúar en hann kom frá Shanghai Shenhua sem spilar í Kína.
Hann hefur byrjað vel á Old Trafford og er aldrei að vita nema United bjóði honum framlengingu.
,,Auðvitað vil ég vera hér lengur ef ég fæ tækifæri til þess,“ sagði Ighalo við blaðamenn.
,,Það er ákvörðun knattspyrnustjórans. Starfið mitt er að æfa vel á hverjum degi og hjálpa liðinu þegar kallið kemur.“
