Jeremie Boga, leikmaður Sassuolo, hefur gefið í skyn að hann vilji snúa aftur til Chelsea einn daginn.

Boga var lengi samningsbundinn Chelsea en hann samdi við Sassuolo endanlega sumarið 2018.

Tækifærin voru af skornum skammti á Stamford Bridge en Boga hefur staðið sig frábærlega á Ítalíu síðasta árið.

,,Þegar ég var þarna voru leikmenn eins og Willian, Eden Hazard og Pedro. Þegar Jose Mourinho var þarna þá var Mo Salah þar,“ sagði Boga.

,,Það voru margir góðir vængmenn. Þetta hefur alltaf snúist um spilatíma fyrir mig. Ef ég get ekki spilað þá reyni ég að fara annnað á láni eða eitthvað og svo snúa aftur kannski einn daginn.“