Cristiano Ronaldo, leikmaður Juventus, mun þurfa að taka á sig launalækkun eins og aðrir leikmenn liðsins.
Frá þessu greina spænskir miðlar en Juventus ætlar að skera niður laun leikmanna eftir útbreiðslu kórónaveirunnar.
Það er engin knattspyrna spiluð í stærstu deildum Evrópu í dag og eru félög að tapa peningum vegna þess.
Ronaldo þarf að taka á sig allt að 30 prósent launalækkun og mun þar tapa 8,4 milljónum punda í heildina.
Ronaldo er á risalaunum hjá Juventus en hann fær í kringum 510 þúsund pund á viku.
