Paulo Dybala, leikmaður Juventus, er með kórónaveiruna en þetta hefur hann sjálfur staðfest.
Fyrr í mánuðinum var greint frá því að Dybala væri sýktur en hann hafnaði þeim sögusögnum um leið.
Nú hefur Dybala hins vegar veikst ásamt kærustu hans Oriana og eru þau í sóttkví saman.
Dybala er þriðji leikmaður Juventus til að veikjast en hinir tveir eru þeir Blaise Matuidi og Daniele Rugani.
Bæði Rugani og Matuidi eru á góðri bataleið og vonandi verður sagt það sama um Argentínumanninn.
