Paolo Maldini, goðsögn AC Milan, er með kórónaveiruna en þetta hefur félagið staðfest.
Maldini starfar í dag sem tæknilegur ráðgjafi Milan en hann og sonur hans Daniel eru báðir sýktir.
Daniel er 18 ára gamall í unglingaliði Milan en hann spilaði sinn fyrsta aðalliðsleik á þessu tímabili.
Paolo er leikmaður sem flestir kannast við en hann var einn besti varnarmaður heims um langt skeið.
Maldini fjölskyldan er í sóttkví þessa stundina og vonandi ná þeir félagar sér að fullu eins fljótt og hægt er.
