Nacho Fernandez, leikmaður Real Madrid, er í sárum sínum þessa stundina eftir dauðsfall í fjölskyldunni.

Nacho staðfesti það í viðtali við Diario de Cadiz að eldri fjölskyldumeðlimur hefði látist eftir að hafa greinst með kórónaveiruna.

Yfir þúsund manns hafa látist vegna veirunnar á Spáni og er Nacho í einangrun eins og flestir aðrir.

,,Ég geng í gegnum þetta eins og aðrir. Þetta er mjög undarleg staða,“ sagði Nacho.

,,Þetta er allt stórskrítið en ég reyni að taka þessu eins best og hægt er og með minni fjölskyldu.“

,,Í Madríd þá er fólk í fjölskyldunni sem hefur smitast og eldri fjölskyldumeðlimur lést. Við getum sagt það að þetta hafi haft áhrif á okkur.“