Frenkie de Jong, leikmaður Barcelona, er ekki notaður rétt hjá félaginu að sögn Ronald Koeman, landsliðsþjálfara Hollands.

Koeman notar De Jong í landsliðinu en hann virðist gagnrýna hvernig spænska stórliðið kýs að nota hann.

,,Það er mikilvægt að hann sé að spila leiki, jafnvel þó að hann sé ekki að spila í réttri stöðu,“ sagði Koeman.

,,Með landsliðinu þá spilar hann aftar á vellinum en við erum með tvo djúpa miðjumenn. Barcelona spilar bara með einn og tvo framar og stundum með fjóra á miðjunni.“

,,Það sem hann er að gera núna er öðruvísi en með landsliðinu og Ajax. Það er ekki hans besta staða. Að mínu mati spilar hann betur dýpra á vellinum.“