Það er alls ekki víst að Mario Götze spili með Borussia Dortmund á næstu leiktíð.
Þetta segir yfirmaður knattspyrnumála Dortmund, Michael Zorc, en Gotze verður samningslaus í suamr.
Hann hefur ekki verið fastamaður á tímabilinu og er að íhuga það að yfirgefa félagið.
,,Við erum ekki búnir að taka ákvörðun. Auðvitað vill hann fá fleiri mínútur. Við erum að tala við Mario,“ sagði Zorc.
,,Ég ræddi við pabba hans fyrir jól og ég ræddi aftur við hann á Marbella. Við munum tala saman í vor og taka lokaákvörðun.“
