Brasilíska goðsögnin Ronaldinho fagnar 40 ára afmæli sínu í dag en hann er þó fastur í fangelsi í Paragvæ.
Ronaldinho var handtekinn fyrr í þessum mánuði en hann var gómaður með falskt vegabréf.
Ronaldinho er einn besti knattspyrnumaður sögunnar að margra mati en hann lék lengst með Barcelona.
Þar spilaði Brassinn 145 deildarleiki og skoraði í þeim 70 mörk. Síðar samdi hann við AC Milan og nokkur önnur félög.
Ronaldinho var stórkostlegur leikmaður upp á sitt besta og ber að fagna því á afmælisdeginum.
