Romelu Lukaku, leikmaður Inter Milan, segir að félagið hafi verið hans besti möguleiki í sumar.

Lukaku ákvað að yfirgefa Manchester United og var keyptur til Inter fyrir risaupphæð.

Lukaku hefur byrjað mjög vel fyrir framan markið og er hann þakklátur þeim sem hafa hjálpað.

,,Ég verð að þakka liðsfélögunum mínum, stjóranum og starfsliðinu. Allir hafa hjálpað mér frá byrjun,“ sagði Lukaku.

,,Inter var besti möguleikinn fyrir mig. Hér get ég þroskast og gert mitt. Ég á að hjálpa liðinu á þann hátt sem ég get og ég veit að stuðningsmennirnir eru hrifnir af því. Ég verð að halda þessu áfram.“