Ferran Torres, vonarstjarna Valencia, hefur ákveðið að hafna nýjasta samningstilboði félagsins.
Frá þessu er greint í dag en þessi 20 ára gamli leikmaður er talinn mikið efni og fær einnig mikið að spila.
Samkvæmt fregnum bauð Valencia Torres góða launahækkun en hann vill fá enn stærri tékka.
Barcelona hefur sýnt vængmanninum áhuga og eru líkur á að hugur hans leiti þangað.
Juventus og Borussia Dortmund eru einnig áhugasöm en Torres á aðeins eitt ár eftir af sínum samningi.
