Víðir Reynisson, yfirlögregluþjónn hjá embætti Ríkislögreglustjóra hefur á skömmum tíma orðið eitt af óskabörnum þjóðarinnar.

Viðir hefur leitt þá vinnu ásamt öðrum að reyna að hefta útbreiðslu kórónuveirunnar. Víðir var í skemmtilegu spjalli við Ísland í dag í gær þar sem hann fór yfir lífið þessa dagana.

Hann hefur mikinn áhuga á fótbolta enda er hann aðeins í leyfi frá störfum sem öryggisstjóri KSÍ. Víðir sagði Sindra Sindrasyni frá því að hann væri stuðningsmaður Manchester United.

Víðir er þó ekki einn af þeim United mönnum sem er illa við Liverpool, erfiðir tímar er hjá United á meðan Liverpool er besta lið Englands. „Mér líður bara vel með það. Við erum búnir að eiga frábæra tíma og nú erum við bara að byggja upp og það er líka frábært,“ sagði Víðir í Ísland í dag.

,,Það er líka gaman að sjá það, sjá að það sé verið að gefa ungum leikmönnum tækifæri. Ég er ekki einn af þessum United-mönnum sem þolir ekki Liverpool. Það sem mér finnst skemmtilegt eru góð lið í fótbolta.“