Barcelona ætti ekki að íhuga það að selja Antoine Griezmann strax segir goðsögn liðsins, Rivaldo.

Griezmann kom til Barcelona frá Atletico Madrid í sumar en hefur farið ansi hægt af stað og er með 14 mörk í öllum keppnum.

,,Það voru margir stuðningsmenn Barcelona sem bjuggust við meiru af Griezmann á hans fyrsta tímabili, sérstaklega án Coutinho, Luis Suarez og Ousmane Dembele,“ sagði Rivaldo.

,,Ég tel þó að það sé ekki rétti tíminn til að hugsa um að selja. Heimsmeistari sem er vanur spænska boltanum, það var búist við meiru á Nou Camp.“

,,Griezmann getur þó enn gert gæfumuninn og sérstaklega í fjarveru Lionel Messi. Við þurfum að bíða og sjá hvort hann geti aðlagast þeirra kerfi. Hann er með gæðin til að ná árangri.“