Félög í Seriu A á Ítalíu eru að fá leikmenn í deildinni til að taka á sig launalækkun, um er að ræða 20-30 prósenta lækkun.
Þetta er til umræðu hjá Juventus og 30 prósenta launalækkun gæti kostað Cristiano Ronaldo mikið.
Ítalskir miðlar segja það gæti kostað Ronaldo 8,4 milljónir eða 1,3 milljarð.
Ronaldo ætti þó ekki að þurfa að skera mikið niður hjá sér enda þénað vel í 20 ár.
Seria A finnur harkalega fyrir kórónuveirunni en veiran hefur breiðst hratt um Ítalíu og er algjört útgöngubann þar í landi.
