Paul Merson, fyrrum leikmaður Arsenal, segir að liðið sé að kaupa leikmenn í dag sem ekkert annað félag hefur áhuga á.

Arsenal fékk tvo leikmenn í janúarglugganum, bakvörðinn Cedric Soares frá Southampton og miðvörðinn Pablo Mari frá Flamengo.

,,Aðalmálið er að Mikel Arteta sér að hann þarf miðvörð. Hann kom inn og fékk tvo varnarmenn. Gera þeir gæfumuninn? Við þurfum að bíða og sjá,“ sagði Merson.

,,Það er samt leiðindarmál því þetta sýnir mér hvar Arsenal er í dag. Þeir eru í vandræðum.“

,,Þeir eru ekki stóri fiskurinn í tjörninni lengur þar sem þeir geta keypt 50 eða 60 milljón punda leikmenn.“

,,Þeir reyna við leikmenn sem í raun enginn er á eftir. Það er ekki eins og þetta hafi verið keppni.“