Leikmenn Borussia Monchengladbach eru tilbúnir að taka á sig launalækkun til að hjálpa starsfólki liðsins.
Það er mikið að gera á bakvið tjöldin hjá knattspyrnufélögum í dag vegna kórónaveirunnar.
Max Eberl, yfirmaður knattspyrnumála Gladbach, hefur staðfest að margir hafi boðið sig fram til að skera launin.
,,Ég þurfti ekki að útskýra mikið fyrir leikmönnunum. Þeir vita hvað er í gangi,“ sagði Eberl.
,,Þeir hafa kynnt sér þetta og hugsað málið. Liðið hefur boðist til að fórna launum til þess að hjálpa félaginu og starfsfólki.“
