,,Ég er algjörlega niðurbrotinn eftir að hafa fengið fréttirnar af andláti þínu,“ skrifar Aron EInar Gunnarsson eftir að Peter Whittingham fyrrum leikmaður Cardiff og Aston Villa féll frá. Hann datt á bar í upphafi mánaðar og fékk þungt höfuðhögg. Whittingham féll úr stiga á barnum.
Whittingham lagði skóna á hilluna hjá Blackburn árið 2018 en hann spilaði yfir 400 deildarleiki fyrir Cardiff frá 2007 til 2017.
Whittingham var lengi vel liðsfélagi Arons Einars Gunnarssonar hjá Cardiff og áttu þeir góða spretti saman innan vallar.
,,Þú ferð of snemma og þín verður saknað, minn vinur. Ég elskaði hverja einustu mínútu sem við áttum saman, þú gerðir það auðvelt fyrir mig að aðlagast hjá Cardiff, þú varst jarðbundinn og það var gott að vera í kringum þig.“
,,Hugur minn er hjá Amanda, fjölskyldu og vinum þínum. Hvíldu í friði vinur.“
