Manchester City þorir ekki að hafa æfingasvæði sitt opið vegna kórónuveirunnar og óvíst er hvenær það opnar.
City lokaði æfingasvæðinu síðasta föstudag og hefur ekki ákveðið hvenær það opnar á nýjan leik.
Kórónuveiran breiðist hratt út um Evrópu og er veiran að herja með krafti á England.
Leikmenn City eins og í fleiri liðum hafa fengið æfingaplan sent heim, flestir búa í stórum húsum þar sem finna má rækt og sundlaug.
City vonast til að geta fengið hópinn saman í næstu viku en það er óvíst, og fer eftir því hvernig ástandið þróast.
