Jón Daði Böðvarsson kom við sögu hjá Millwall í kvöld í leik gegn Nottingham Forest.
Spilað var í ensku Championship-deildinni en Millwall vann virkilega góðan 0-3 útisigur.
Öll mörk Millwall komu í fyrri hálfleik á 13 mínútna kafla. Liðið átti þrjú skot á rammann og þrjú fóru inn.
Millwall er tveimur stigum frá umspilssæti eftir 37 leiki og var að vinna sinn fyrsta leik í fjórum.
Jón Daði fékk ekki mikið að spila en hann kom inná sem varamaður á 88. mínútu.
