Idion Ighalo, leikmaður Manchester United, er ekkert að pæla í pressunni sem fylgir því að spila fyrir liðið.

Ighalo skoraði tvennu fyrir United í gær gegn Derby og hjálpaði liðinu að komast í næstu umferð bikarsins.

Það fylgir því mikil pressa að spila á Old Trafford en Ighalo hugsar lítið sem ekkert út í það. Hann kom til félagsins frá Kína í janúar.

,,Ég er ánægður og vil óska liðinu til hamingju með góðan og erfiðan sigur,“ sagði Ighalo.

,,Svo lengi sem liðsfélagarnir, stjórinn og stuðningsmennirnir hafa trú á mér þá held ég áfram. Mér er alveg sama hvað allir aðrir segja.“