Alisson, markvörður Liverpool, verður ekki með liðinu um helgina í leik gegn Bournemouth.
Alisson er að glíma við meiðsli en óvíst er hvenær hann verður klár á nýjan leik.
Hann var ekki valinn í brasilíska landsliðshópinn í dag fyrir leiki gegn Bólivíu og Perú.
Um er að ræða leiki í undankeppni HM 2022 og mun Ederson, markvörður Manchester City, líklega byrja í hans stað.
Alisson verður mögulega ekki meira í þessum mánuði og missir af leik við Atletico Madrid í Meistaradeildinni.
