Pierre-Emerick Aubameyang, framherji Arsenal hefur áhuga á að skoða aðra kosti í sumar ef marka má fréttir síðustu vikna.
Framherjinn frá Gabon hefur raðað inn mörkum fyrir Arsenal í tvö ár en hann er samningslaus 2021.
Ef Arsenal getur ekki samið við hann á nýjan leik, verður Aubameyang að öllum líkindum seldur í sumar.
Arsenal vill ekki missa Aubameyang frítt en Barcelona hefur spurst fyrir um framherjann knáa.
Arsenal er sagt funda með umboðsmanni Aubameyang þessa dagana til að reyna að sannfæra þá félaga um að framlengja dvölina Í London.