Daragh er 10 ára strákur sem heldur með Manchester United, hann þolir ekki hversu vel Liverpool vegnar í ensku úrvalsdeildinni. Liverpool er á toppi deildarinnar, ekki tapað leik og er nánast búið að vinna deildina í fyrsta sinn í 30 ár.

Daragh á erfitt með að kyngja þessu en hans menn geta lítið sem ekkert þessa dagana. Hann ákvað því að taka sig til og skrifa Jurgen Klopp, stjóra Liverpool lítið bréf.

,,Liverpool er að vinna of marga leiki, ef þið vinnið níu leiki til viðbótar þá mætið þið met í enskum fótbolta. Ég held með United og það væri sorglegt,“ skrifar Daragh.

,,Næst þegar Liverpool spilar, getur þú látið liðið tapa. Þú ættir að leyfa hinu liðinu að skora, ég vona að ég hafi sannfært þig um að vinna ekki deildina eða annan leik aftur.“

Klopp hafði gaman af bréfinu og ákvað að svara því eins og sjá má hér að neðan. ,,Ég vil byrja á að þakka þér fyrir að skrifa mér,“ byrjaði Klopp á að segja.

,,Ég get ekki orðið við ósk þinni núna, þrátt fyrir að þú viljir að Liverpool tapi þá er það mitt starf að reyna að stýra liðinu til sigurs, það eru milljónir manna sem vona að liðið sigri.“

,,Manchester United er heppið að hafa þig. Sem betur fer fyrir þig á höfum við tapað leikjum og munum tapa leikjum í framtíðinni, Félög okkar eru erkifjendur en við berum virðingu fyrir hvor öðrum, fyrir mig er það allt sem fótboltinn snýst um.“