Markvörðurinn Patrik Gunnarsson hefur skrifað undir samning við lið Southend United.
Frá þessu er greint í kvöld en Patrik kemur til Southend á láni frá Brentford í Championship-deildinni.
Patrik er 19 ára gamall markmaður en um er að ræða svokallað neyðarlán þar sem Southend vantar mann á milli stanganna.
Lánssamningurinn gildir út tímabilið en Southend er í C-deildinni og í mikilli fallbaráttu þar.
Hermann Hreiðarsson er aðstoðarþjálfari Southend en hann vinnur þar með aðalþjálfaranum Sol Campbell.