Mathias Pogba, bróðir Paul Pogba, hefur staðfest það að leikmaðurinn vilji yfirgefa Manchester United.

Framtíð Pogba er rædd í hverri einustu viku en hann er frá vegna meiðsla þessa stundina og hefur lítið spilað.

Mathias ræddi við El Chiringuito á Spáni og greindi þar frá því að það væri vilji Paul að komast annað í sumar.

,,Allir vita að Paul vill yfirgefa Manchester United, hann vill spila í Meistaradeildinni og vinna titla,“ sagði Mathias.

,,Við vitum öll að það gerist ekki hjá United. Við sjáum til hvað gerist næsta sumar.“

Umboðsmaður Pogba er Mino Raiola og er hann í orðastríði við Ole Gunnar Solskjær, stjóra liðsins, þessa dagana.

Enski boltinn á 433 er í boði